17. jula KRITIČNO KOD RTA VESLO, EVAKUISANO STANOVNIŠTVO

U toku noći buknuo je požar na Rtu Veslo. Evakuisano je stanovništvo iz obližnjih kuća i turističkog kampa, kazao je za naš Radio i Potal Zlatko Ćirović, načelnik Službe zaštite i spasavanja Herceg Novi:

-Trenutno smo na Rtu Veslo, nismo mogli da se probijemo. Većina stanovništva je evakuisana. Uglavnom je ostalo muško življe da nam pomogne. Požar je krenuo od naselja Begovići, dio stanovništva je ostao u tom djelu da čuvaju kuće, podjelili smo se, a još nam je aktivan požar na Rosama. Zapaljenih kuća je bilo i prije nego što smo došli, ali uspjeli smo, na našu i sreću vlasnika, da neke kuće spasimo iako ih je plamen već bio uhvatio. Pristupamo daljem gašenju, kuće su i dalje u opasnosti. Turistički kamp je u potpunosti evakuisan, kazao je Ćirović.

Kako saznajemo, turisti iz kampa su prebačeni na Žanjice.

Nema komentara

Napiši komentar